කොළඹ නුවර පාරේ කඩුගන්නාව - ගනේතැන්න අතර මාර්ගය වසා දමයි..

 

කොළඹ - මහනුවර ප්‍රධාන මාර්ගයේ කඩුගන්නාව සහ ගණේතැන්න අතර කොටස ගල් පෙරළීමේ අවදානමක් හේතුවෙන් තාවකාලිකව වසා දැමීමට පියවර ගෙන ඇති බව පොලිසිය පවසයි. 

පවතින අයහපත් කාලගුණික තත්ත්වය හමුවේ මාර්ගයට ගල් සහ පස් කඳු කඩා වැටීමේ අවදානමක් පවතින බැවින්, පූර්ව ආරක්ෂිත පියවරක් ලෙස මෙම තීරණය ගෙන තිබේ.

ඒ අනුව, නැවත දැනුම් දෙන තුරු එම මාර්ගය භාවිතා කරන රියදුරන්ට විකල්ප මාර්ග භාවිතා කරන ලෙස පොලිසිය දැනුම් දී ඇත.

තවද, මාර්ගය ගමනාගමනය සඳහා ආරක්ෂිත බව තහවුරු කරන තෙක් අදාළ ප්‍රදේශයෙන් ගමන් කිරීමෙන් වළකින ලෙසත්, පොලිසිය ලබා දෙන රථවාහන උපදෙස් නිසි පරිදි පිළිපදින ලෙසත් රියදුරන්ගෙන් වැඩිදුරටත් ඉල්ලා සිටියි.