ජන හමුවක් අමතමින් අමාත්යවරයා මෙම කරුණු අනාවරණය කළේය.
කුඩා මෝල් හිමියන් වෙත උපදෙස් ලබා දෙමින් ඔහු පවසා ඇත්තේ, සහල් මිල අධික ලෙස පහත හෙළීමෙන් තොරව ක්රමවත්ව වෙළඳපොළට සහල් නිකුත් කරන ලෙසයි. එසේ නොවුණහොත් ගොවියාට ලැබෙන වී මිල පහත වැටීමේ අවදානමක් පවතින බව ඔහු පෙන්වා දුන්නේය.
මහා පරිමාණ මෝල් හිමියන් සම්බන්ධයෙන් අදහස් දක්වමින් අමාත්යවරයා කියා සිටියේ, ඔවුන් නිරන්තරයෙන් ලාභ ලබන පිරිසක් වුවද, ඔවුන් බොහෝ දේවල් පැවසූ බවත් ඒවාද හරි වුවත් මෙවර ගොවියාගෙන් වී මිලදී ගැනීමේදී රුපියල් 120ක සහතික මිලක් ලබා දිය යුතු බවත්ය.
මේ සඳහා රජය මැදිහත් වී එක් මෝලක් සඳහා රුපියල් ලක්ෂ 250 බැගින් වූ පොලී රහිත ණය පහසුකම් ලබා දී ඇති බවද ඔහු අනාවරණය කළේය.
වී අලෙවි මණ්ඩලය හරහා වී මිලදී ගැනීමේ කටයුතු විධිමත්ව සිදු කරන බවත්, මහා පරිමාණ මෝල් හිමියන් රුපියල් 120ක මිලට වී මිලදී ගත යුතු බවත් ඔහු අවධාරණය කළේය.